B’a hiba bo frei Makamba Kòrsou kaba ?????

Bosnan a bai Kòrsou kaba ? Ki dia bo ta bai Kòrsou kune ? Ela konose famia ?
Preguntanan ku mi ta hañami kune kada bes mi bisa ku mi ta frei un gai Hulandes. Mi sa ku ta ‘vanzelfsprekend’ ku hende lo hasi e preguntanan aki. Pero tiki ta para ketu na tur loke mester tene kuenta kune ora ku bai Kòrsou ku e frei Hulandes.

E teksto aki ta pa prèt (ku su pida bèrdat den dje). Pero no te sientas ofendido!!!

Pa di prome e Hulandes ku e frei ta papia ta poko lihé i mas amplio. Kiermen mester siñele un tiki Papiamentu anto lag’e skype ratu ratu ku famia, ya nan por kuminsa kustumá ku e aksento i e spit. Mi no ta bisa ku mi famia no ta komprondé ni ku nan no por papia ‘correct Nederlands’. Pero mi ke evitá ku mi lo ta vertaler pa henter un luna largu. ‘Ablif? Wat zei je? Sorry?’ Uhmm… ela puntra si wela tin un tiki funchi mas pe.

Ademas, awendia na Kòrsou ta tur hende ta di tur hende. Mi no ta bisa ku na otro partinan di mundu tur hende ta monógamo, pero mi kiermen… e sistema aki si no por. Kende ta pompa ku hòmb’i ken, esaki a drumi ku muhé djesaya. Ta un tegi. Mi no gusta e kos ei. Bo no ta haña un gana di bai un fakansi romantiko ku bo papi.

Tambe e lastu anjanan aki ta atrako aki atrako aya. Mi stima mi isla masha tantu mes pero ami ta hanjando hopi miedu di bai bek. Mi so òf akompañá, maak niet uit. Komo hende inosente, si bo ta na e lugá inkorekto na e momentu inkorekto, bo ta pompa sigur na Kòrsou. Mi no por gaña si, lastu aña aki e kòntròl di auoridatnan ta megorando i mi ta spera ku lo bin un kambio pa loke ta trata e kriminalidat ku lastu tempu a aumentá.

E último kos ku ta wantami abou di bai Korsou ta e preis di e ticketnan. INKREÍBEL. Den periodo di fakansi ta eksageradamente haltu e preisnan ta. Mi a bai wak pa 22 di dezèmber te ku 5 di yanüari pa ami ku mi  gai, TRES MIL EURO !! Ku tres mil euro nos por bai masha lugá mes den Europa. Studiantenan no ta tur bia nan ta sa nan rooster for di den trempan. Pues, hopi bia ta imposibel pa bo kumpra bo ticket for di kuminsamentu di aña, pa bo bai dezèmber. Aña pasá mi a kuminsa skol bèk 2 di yanüari. Universiteit Leiden no ta hasi wega.

Na e otr’un banda, tin hooooopi motibu dikon lo mi hasi mi best pa mi bai Korsou mas pronto ku ta posibel ku mi frei.

Kuminda krioyo, trùk’i pan, laman, BBQ na Caracasbaai, pan di Libanesa, childhood memories, weekendhuis, Wet & Wild den Mambo, Busta Cola (mi no por haña e kos ei niun kaminda den Den Haag), chill band’i kas, hasiment’i redu, papia riba bisiña, djus di Lovers, awa di kranchi. Hombuuuu ta masha kos mi por menshoná.

Aunke nan tin chens di pasa tirabu pa hende robes, mi stima mi isla i mi no por warda pa introdusí mi frei Hulandes.

Check mi blog akinan & komparti esaki ku bo amigunan.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s