E bida di studiante na Hulanda (Komparti bo historia i gana 10 euro!)

Bo tambe a bin biba Hulanda pa studia? Komparti bo eksperensia komo studiante of ex-studiante i gana 10 euro via Paypal of Tikkie (gratis). Simplemente laga un komentario riba e website aki bou di e teksto aki, kaminda bo ta komparti ku nos kon bo ta eksperensiando of a eksperensia e bida di studiante. Tambe bo mester subscribe ku bo e-mail na banda of abou dje pagina. Ora ku bo hasi e dos aktonan aki, bo ta inspira hende ku bo historia plus partisipa pa gana 10 euro. E ganadó lo wordu skohí randomly.

Mi idea ta pa trese e komunidat di studiantenan ku a bin biba Hulanda for di ABC eilanden huntu riba un pagina i komparti nos historianan ku otro. Bo historia ta mas interesante i importante ku bo ta kere. No keda sin komparti esaki ! Bo por duna tips tambe komo studiante akinan. Por ehempel kon bo ta dil ku bo sen, kon bo ta sinja, etc.

tumblr_nwztjylnvG1qe11kdo1_500

Esaki ta mi historia
Den vakansi grandi di 2015 mi a bin biba Hulanda. Prome ku esei nunka mi no a yega di bai Hulanda. Kiermen mi no tabatin un idea konkreto di kon Hulanda lo ta. Uniko kos ku mi tabata sa ta loke hende sa bisa i loke mi a buska riba internet.

Mi prome aña no tabata dje duru ei. Mi opleiding tabata hopi leuk i fasil. E bida tabata nobo i spannend i mi tabata kurioso pa futuro. Mi tabata papia kumi amistadesnan di Korsou regularmente via Skype of Whatsapp. E di dos aña tabata kasi mesunkos. Despues djei mi kontakto ku mi hendenan di Korsou a kuminsa bira hopi vago. Mi no ta tende nada di nan si ami mes no bai lanta un kombersashon. Mi a kuminsa ripara tambe ku mi perspektiva di bida a kuminsa kambia for di esun di mi amistadesnan. Pues mi a hañami enfrenta ku tipo di kosnan aki. Pero ta parti di bida i kresementu. I kon bo ta dil ku e situashon aki ta hopi importante. Na e otro banda semper ta leuk pa topa mi amiganan di Korsou, kombersa hari i papia tokante ten nos tabata bai middelbare school.

Voor de rest e bida komo studiante akinan mi ta haña hopi dushi. Espesialmente e echo ku mi tin hopi libertat pa tuma mi mes desishonnan, deskubrí madures i krese mentalmente. Pero tambe tin e desbentaha ku mi no tin mi mama su kompania of su yudansa praktiko. Por ehempel mi no por bisa awe nochi mi ta bai kome ku mi mama of nami hiba e kason aki pa mi mama kosele pami.

Esaki ta mi historia resumí den chiki. Mi ta spera mi a inspirabu pa bo tambe komparti bo historia.  Kiko abo ta pensa di Hulanda? Kon bo ta of a eksperensia Hulanda, skol, salimentu i tur kos ku tin di haber ku bo bida komo studiante? No lubida di laga bo nomber (i fam) atras i subscribe ku bo email adress. Mi lo apresia tambe si bo pone un link di bo Facebook, Instagram of LinkedIn abou di e komentario, pero esaki no ta obligá. Si bo ke komparti esaki den priva bo por tuma kontakto kumi akinan.

amsterdam-architecture-bicycles-1414467

Check mi blog akinan & komparti esaki ku bo amigunan. No lubida di inskribi pa bo partisipa i pa bo ta na altura di mas actie pa gana premio.

8 thoughts on “E bida di studiante na Hulanda (Komparti bo historia i gana 10 euro!)

  1. Alton Koffie says:

    Bontardi. Komo studiante akinan na Hulanda ja pa kuater anja kaba, mi kera duna un tip. Mi tip ta pa e studiantenan sigui buska Dios. Hopi studiante ta bini Hulanda i stop di resa of bai misa. Pero spiritualidat ta nabu forsa i fortalesa pa bo sigui den bida 🙂 I mi ta desea tur studiante eksito ku e anja eskolar nobo. Groetjes, Alton.

    Liked by 1 person

    • Z. Petrona says:

      Bontardi Alton,

      Hopi danki pa a komparti e tip aki. Spiritualidat sigur sigur ta trese forsa i fortalesa. No lubida di subscribe ku bo e-mail pa bo partisipa pa gana 10 euro !

      Groetjes,
      Zylah

      Like

  2. D. van Zanten says:

    Bendishon pa boso tur. Na prome lugá, loke mi ke kompartí ku boso di mi eksperiensia ta lo siguiente, ku den e promé aña, ami ta tin’e un tiki duru.

    Mi skol no a bai bon i mi a opta pa stòp ku skol. Loke sí mi skohe pa hasi ta buska un trabou. Mi traha te ora mi por a kuminsá ku un estudio nobo. Mi a mira ku e promé blòk a bai super, pues einan mi a retirá for di mi trabou i dediká tur mi tempu den mi estudio nobo i ku mi ta satisfecho ora henter e aña a bai bon i ku bo a pasa pa e segundo aña.

    E problema akí, mayoria studiante ta hañanan aden. Mi konseho pa e futuro studiantenan ta ku wak pa semper bo tin un plan A i B. No laga niun niun hende strobabu ku loke abo ke hasi i tambe wak pa tur ora bai bo ta positivo bezeg.

    Soru di ta amikal ku tur hende paso akinan ami no a eksperensia nada di deskriminashon. Na skol, bo koleganan di klas semper tei pa nabu un man. Purba adaptá bo mes na nan maneranan ku nan tin, por ehèmpel yega trempan na tur bo sitanan. Lo bo gusta Hulanda masha hopi mes i lo bo no haña nostalgia unabes ku lo bo sintibu na kas.

    Esaki ta tur loke mi kier a kompartí ku bosnan.

    Dios bendishoná boso.

    Liked by 1 person

    • Z. Petrona says:

      Konta D. van Zanten,

      Hopi bendishon pabo i danki di a komparti bo historia ku nos. Bo konsehonan ta hopi bon i sabí. Positive thinking combined with positive action results in success !! No lubida di subscribe ku bo e-mail pa bo partisipa pa gana 10 euro 🙂

      Saludos,
      Zylah

      Like

  3. Emma G says:

    Bontardii,
    Ami lo ke duna un pari tip paso mi sa ku e ta difisil pa laga nos islanan, famia i kultura pa bai studia afo. Na prome luga, nunka nunka nunka no lubida di unda ba bini, pa ki motibu bo tei na Hulanda (den mi geval) i kiko bo ke logra den futuro. E ta bon dimes pa drai ku hende Hulandes, sinja for di nan kultura, pa bo sinja mas di bo mes kultura tambe. No keda drai ku bo hendenan so, purba ta open-minded, pero otro banda no lubida bo isla dushi. Despues di mas ku 3 anja, mi tin ku bisa mi mes ratu ratu: oke pa kiko mi tei akinan atrobe, kiko mi ke logra i ku mi no por logre jammer genoeg na Antias. Mi ta mira hopi mucha ku no ta bin studia, i bo ta mira ku nan no ta krese mane bo lo krese bibando/studiando afo. Bo no ta mira tur e oportunidad nan ku e mundu tin pa ofrese. Na final mi ta hanje hopi importante tambe pa tin e pensamentu ku uiteindelijk bo ta bai bo isla bek. Nos ta e generashon ku ta disidi kiko ta bai pasa ku nos isla. Nos tin ku hanja e papelnan pa nos por yuda nos isla bai dilanti. Ku nos no ta bai hasie, ken si? Ya e ora ei (pa mi isla Boneiru), nos por mustra Hulanda tambe ku nos mes hendenan por studia duru, bin bek i traha duru tambe. Mi lo ke mira mas hende lokal trahando na e positienan ku awoki nan ta yenando ku hende Hulandes. Esei ta e kos mas importante pami i ta dunami tur e motivashon pa studia. Ban yuda nos islanan i yuda bo mes krese!

    Liked by 1 person

    • Z. Petrona says:

      Bontardi Emma,

      Hopi danki pa a komparti e tipnan aki ku nos i un pida di bo mes historia. Enberdat ta hopi importante pa no lubida di unda ba bini i ku ba bini ku un meta i esei bo ke logra. If you dont go through life with open mind, you will not find a lot of open doors.
      Danki un biaha mas 🙂 No lubida di subscribe ku bo e-mail pa bo partisipa pa gana 10 euro.

      Saludos,
      Zylah

      Like

  4. Paola Ldwk says:

    Haai ☺️,

    For di chikitu mi ker a bai biba Hulanda pa asina volg e stapnan di mi ruman. Despues kumi a kaba mi Havo mi a bin biba akinan na aña 2015. Mi a bin biba serka mi famianan na Hulanda, nan tabata yudami ku tur kos kual tabata hopi great. Ookal mi no tabata na “mi” kas mi por a sinti e kalor di famia si. Segun lunanan ta pasa mi tabata desha den mi opleiding i keda puntra mi mes, si ma kies lo korekto.. Hopi hende tabata bisami pa NO bai Kòrsou mi prome december, ku mi tin chens di haña heimwee, ku mi no ta duna mi mes chens di kustumbra ku Hulanda, ku mi mester keda i ta strong, pero mi no a hasi niun hende kaso. Ma kumpra mi ticket i ma bai KAS (Kòrsou). Persoonlijk mita haña ku baimentu di Kòrsou december ta okee, ma sintimi asina bon kumi a mira mi mayoranan, welanan i amistanan. Bo mester ta gewoon mentalmente prepara i sa pakiko bo a bin Hulanda i ta konsiente ku bo ta bai Kòrsou pero bo tin ku bin Hulanda bek. Mas banda di maart 2016 mi wela a fayese i ma opta ma stop ku mi opleiding i bai Kòrsou 1 luna i despues mita bin bek. Prome kumi a bai ma bai serka decaan (ma regel mi kosnan prome kumi bai, pa ora mi bin bek mi ta prepará pa kumisa ku e opleiding nobo). Ora ma bin bek for di Kòrsou mi tabata traha fulltime, pami no sinta na kas sin hasi nada.

    Ora ku schooljaar nobo a kumisa a bai mas miho, ma ripara ku berdaderamente mita gusta e opleiding i ta loke mi ke hasi.

    Loke mi ker komparti ku bosnan:
    It’s okay pa stop ku un opleiding i kumisa ku un otro! No mester tin berguensa i menos worry kiko hende lo pensá of bisa. Sa kiko abo ke logra i bai pa bo meta sin laga otro strobabo.

    Gr,

    Paola

    Liked by 1 person

    • Z. Petrona says:

      Hii Paola,

      Wauw, bo historia ta hopi inspirador hopi danki pa a komparti esaki.

      Komo studiante mi por rekonose hopi kos ku bo ta bisando. Kalor di famia sigur ta pone ku bo ta eksperensia e verschil tussen Hulanda i Korsou menos zwaar. Enberdat mi tambe a hanja e advies pa no bai Korsou e prome december pero personalmente mi ta hanja ku ta juist bo ta bai charge bo bateria. I mentalmente bo mester prepara bo mes pa bin bek i tra duru pa logra bo meta.

      Bo advies ta hopi helpful, hopi bia studiantenan ta kai den depreshon of desespershon ora ku nan ke stop ku nan opleiding. Pero esaki ta hoort erbij. Hopi danki un biaha mas pa a komparti bo historia ku nos. No lubida di subscribe ku bo e-mail pa bo partisipa pa gana 10 euro.

      Gr,
      Zylah

      Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s