Ora ku koriente bai bo ta hañabu konfrontá ku e echo ku bida ta asina laf sin koriente. Bo no por wak televishon anto si bo laptop i bo telefòn su bateria (ta kasi) baha, ta pió ahinda. Bo ta kuminsa sintibu mas laf ku un saliña riba djaluna. Awel mi tin seis idea tremendo pa bo divertí bo mes ora ku koriente bai den dia.

#1 Skibi tur loke ku pasa den bo mente.
Maske e kosnan no ta ‘make sense’, skibi esaki tòg. Skibiele na forma ku tur bo pensamentunan huntu ta forma ún historia. Na final bo tin un historia hopi kreativo i prèt pa lesa.

Por èhèmpel:
“Koriente a bai i mi tabata wakiendo televishon. Mi no tin soño dùs mi no por bai drumi. Mi ke spar mi bateria kemen mi no ta bai riba mi telefòn awor akí. Uniko kos ku a sobrami ta di skibi. Asina laf bida tabata den 1920 ? Hahaha.. Sangura ta keda pikami. Ki falta e sangura nan aki anto. Mi sa ku mi sanger ta dushi pero damn. Nami un chens !”

Enbes di skibi bo por pinta tambe. Pinta tur loke pasa den bo mente. I na final kisas bo tin un pintura abstrakto hopi kreativo.

#2 Hasi ehersisio
Pone un mat of un klechi abou den bo kamber i kuminsa hasi ehersisio. Esaki ta un bon manera pa pasa tempu. No go all out sino despues di dies minüt bo no por hasi nada mas. Bai poko poko i tuma bo tempu pa hasi e ehersisionan.

Si bo mester di inspirashon pa kuminsa ku e ehersisonan, check e video aki:

#3 Bai kana
Bisti bo paña komfortabel anto bai dal un rònchi banda di kas. No bai ku bo telefòn. Djis abo ku naturalesa. Bosnan dos só. Disfruta di loke ku bo ta mira rondó di bo. Sinti e bientu ku ta supla, outonan ku ta pasa i disfruta di e naturalesa bunita di nos isla. Bai dal un rònchi den bo bario bin bek.

Bo por bai kore tambe en bes di kana, si bo ta preferá esei. Pero kòrda no bai ku bo telefòn. E idea ta pa bo eksperensiá algu ku nòrmalmente bo lo no a eksperensiá. Laga e situashon lamentabel (ku koriente a bai) bira un situashon kaminda bo a deskubrí algu nobo (kore den bario i eksperensiá e naturalesa).

#4 Drecha bo kashi di paña
Mi sa ku bo kashi di paña ta un desaster. Tur mahinta bo ta bisa: akiratu mi tin ku drecha e kashi aki. Pero ora bo yega kansá for di skol of trabou bo ta subi bo kama drumi. Aworaki ta un bon oportunidat. Drecha bo kashi. Si bo tin bateria riba bo telefon, pone bo kantikanan toka anto kla ta !

Si bo kashi ta nechi kaba pero bo kamber parse un chiké di porko, limpia bo kamber e ora ei. No laga bo mama, kasá, frei of esun ku bo ta biba kune tin ku bisabu atrobe pa limpie. Koriente a bai, no tin nada di hasi kiermen ban mira.

#5 Meditashon
Hopi hende ta pensa ku meditashon ta solamente pa hendenan ku ta Budista. Pero meditashon no mester ta relatá na religion pa bo hasiele. Sikólogonan ta rekomendá meditashon pa hendenan ku a kaba di sali for di un periodo di depressie. Esaki ta evitá ku bo ta bolbe bira deprimí bek. I naturalmente bo no mester tin un problema sikológiko pa hasi meditashon tampoko. Ami ta medita tin bia djis pa mi relax. E ta ègt yuda den bo bida diario. Bo ta kuminsa ripara ku bo tin mas pasenshi i bo ta pensa mas positivo tokante bida.

Puesssss.. koriente a bai i bo no tin nada di hasi. Bai medita. Relax bo mente. Get in touch with your spiritual side ! Si nunka bo no a meditá, e ta mustra creepy. Pero e ta hopi relaxing i keremi lo bo gusta.

Si bo mester di inspirashon check e video aki:

Si bo ta huntu ku bo pareha, bosnan por hasiele huntu. Check e video aki:

#6 Pas’e rib’un 428
Mi sa ku ta kalor anto bo tin mal beis. Pero wak e asinaki: e glas ta mitar yen. Si bo ta biba ku bo papi of bo mami of bosnan ta huntu ku otro, ta kiko bo ta warda ???? Habri bentana pa hairu pasa un tiki, ya bisiña tambe ta tende mesora ku bo no ta laga aqualectra daña bo dia.

 

Si bo a gusta e artíkulo aki, like & share !!!

Check mi blog akinan & komparti esaki ku bo amigunan.